सुर्खेत । सुर्खेतको एक छात्र बास भित्र एक जना बालक मृत अवस्थामा भेटिएका छन् । वीरेन्द्रनगर नगरपालिका वडा नं. ६ घण्टाघर नजिक रहेको उषा बालवाटिका सेकेण्डरी स्कुलको छात्रा बासमा ८ वर्षीय बालक शुक्रवार साँझ झुण्डिएको अवस्थामा फेला परेको प्रहरीले जनाएको हो ।
मृत भेटिएका बालक दैलेखको चामुण्डा विन्द्रासैनी नगरपालिका–१ का ८ बर्षीय सलाम पुलामी मगर रहेको प्रहरीले बताएको छ । सो विद्यालयमा कक्षा २ मा अध्ययनरत मृतक बालकको शव अहिले सम्म नउठाएको स्रोतले बताएको छ । घटना शंकास्पद रहेको भन्दै आफन्तहरुले लास उठाउन नदिएको जिल्ला प्रहरी कार्यालय सुर्खेतले जनाएको छ ।
आक्रोशित भयर मृतकका आफन्तहरुले आन्दोलन गर्दा सो क्षेत्रको अवस्था तनावग्रस्त बनेको छ । त्यहाँ अहिले प्रहरी तैनाथ गरिएको छ । भीडलाई साम्य पार्न प्रहरीले अश्रु ग्याँस समेत प्रहार गरेको सुचना विभिन्न संचार माध्यममा आएको छ । ८ वर्षीय बालक झुन्डिएको अवस्थामा मृत फेला पर्नु सामान्य कुरा नभएको भन्दै मृतकका आफन्तहरुले सडकमा आन्दोलन चर्काइरहेका छन् । प्रदेश प्रहरी कार्यालयका प्रवक्ता गोपला भट्टराईका अनुसार घटना शंकास्पद भएको र अनुसन्धान गरिरहेको बताउनुभएको छ ।
