नेपालगन्ज । बाँके प्रहरीले बिहिवार नेपालगञ्ज विमानस्थलबाट अवैधरुपमा काठमाडौं लैजान लागिएको नौं लाख मूल्य बराबरको ३२ थान मोबाईल सेट सहित चार जना भारतीय नागरिकलाई पक्राउ गरेको छ ।
नेपालगञ्ज विमानस्थलमा रहेको एक्सरे मेसिनमार्फत चेकजाँचको क्रममा करिब नौ लाख रुपैयाँ मूल्य बराबरको मोवाईल सेट बरामद गरिएको जिल्ला प्रहरी कार्यालय बाँकेले जनाएको छ ।
भारतको मध्यप्रदेश राज्य इन्दौर सुदामा नगरका अमित सोलंकीको साथबाट वान प्लस मोबाईल दुई थान, अप्पो मोबाईल दुई थान, रेलमी मोबाईल दुई थान, एमआई मोबाईल दुई थान गरी ८ थान, पागनिसपागाका सचिन कुकरेजाको साथबाट वान प्लस मोबाईल चार थान, अप्पो मोबाईल दुई थान, भिभो दुई थान गरी ८ थान, द्वारकापुरीका कमल बंसारीको साथबाट वानप्लस एक थान, भिभो दुई थान, रेडमी दुई थान, सामसुङ दुई थान, रेलमी मोबाईल एक गरी ८ थान र ब्लक काँलोगीका अमित सोलंकीको साथबाट वान प्लस मोबाईल चार थान, अप्पो मोबाईल एक थान, रेडमी एक थान, सामसुङ दुई थानसहित जम्मा ३२ थान मोवाईल बरामद गरिएको प्रहरीले जनाएको छ ।
बरामद गरिएका मोबाईल सेटसहित पक्राउ परेका चारै जनालाई आवश्यक कारबाहीका लागि नेपालगञ्ज भन्सार कार्यालय पठाइएको प्रहरीले जनाएको छ ।
