संवाददाता, नेपालगंज ।
भेरी अस्पताल नेपालगंजमा आजदेखी एचपीभी खोप (पाठेघरको मुखको क्यान्सर विरुद्धको खोप) लगाउन शुरु गरिएको छ ।
आज नेपालगंज उपमहानगरपालिकाका नगरप्रमुख प्रशान्त विष्ट, बाँकेका प्रमुख जिल्ला अधिकारी विपिन आचार्य, अस्पताल विकास समितिका अध्यक्ष बिरेन्द्र बहादुर शाह, भेरी अस्पतालका प्रमुख मेडिकल सुपरिन्टेण्डेण्ट डाक्टर पवन जंग रायमाझी लगायतको उपस्थितिमा खोप लगाउन शुरु गरिएको हो ।
यो खोप १४ बर्ष पुरा भई १५ बर्ष ननाघेका किशोरीहरुलाई यही भदौं ३० गतेसम्म निशुल्क रुपमा लगाईदैछ । खोप बिहान १० बजेदेखी अपह्न्न ४ बजेसम्म लगाईनेछ । खोप लगाउन आउँदा उमेर खुल्ने प्रमाणपत्र, जन्मदर्ता, अथवा उमेर खुल्ने अन्य कागजातहरु साथमै बोकेर जानुपर्नेछ ।
