संवाददाता, बर्दिया ।
खानाका पारखीहरुको लागी खुसीको खबर छ । कोदोको ढिडो, लोकल कुखुराको मासु, ढिक्री, अर्गेनिक तरकारी र अचार जस्ता स्थानीय खानेकुराको स्वाद पाहुनालाई चखाउने उद्देश्यले चौतारी होटल एण्ड लज सञ्चालनमा आएको छ ।
बर्दियाको बाँसगढी नगरपालिका ५ स्थित स्थानीय (खनाल चोक) मा बुधबारदेखी यसको औपचारिक सञ्चालन गरिएको हो ।
सत्खलुवा सिमसार क्षेत्र, खरैनी बर्दियामा होमस्टे (घरबास) समेत सञ्चालन गरी रहनुभएका स्थानीय सुरेश आचार्यले पाहुनाहरुको सुविधाका लागी आफुले चौतारी होटल एण्ड लज सञ्चालनमा ल्याएको जानकारी दिनुभयो ।
सत्खलुवा सिमसार क्षेत्रमा घुमफिर, पिकनिक पछि स्थानीय खानेकुरा खाई बजार क्षेत्रमै बास बस्न, कार्यक्रम आयोजना गर्न चाहानेहरुलाई यसले सहयोग पुग्ने उहाँले बताउनुभयो ।
साथैं अब कोदोको ढिडो, लोकल कुखुराको मासु, ढिक्री, अर्गेनिक तरकारी र अचार जस्ता स्थानीय खानेकुराको स्वाद चाख्न सत्खलुवा होमस्टेमै पुग्नुपर्ने छैन, बाँसगढी बजारमा नै सहज रुपमा खानेकुरा पाउन सकिनेछ ।
