काठमाडौं । संविधान र गणतन्त्र पक्षधर दलहरूले संसद्मा प्रतिनिधित्व गर्ने प्रतिपक्षी दलहरूको बैठक काठमाडौंको नयाँ बानेश्वरस्थित संसद भवनमा जारी रहेको छ । विपक्षी गठबन्धनको यो बैठक नेकपा (माओवादी केन्द्र) का अध्यक्ष तथा विपक्षी दलका नेता पुष्पकमल दाहाल ‘प्रचण्ड’को कार्यकक्षमा बसिरहेको हो।
बैठकमा समसामयिक राजनीतिक अवस्था, संसद्को चालु अधिवेशनको गतिविधि, संविधानको रक्षा तथा गणतन्त्रको सुदृढीकरण लगायत विषयमा छलफल भइरहेको बताइएको छ।
बैठकमा माओवादी केन्द्र, नेकपा (एकीकृत समाजवादी), जनता समाजवादी पार्टी लगायतका विपक्षी दलका शीर्ष नेताहरू सहभागी हुनुभएको छ ।
विपक्षी दलहरूले सरकारको कार्यशैलीप्रति आलोचना गर्दै संविधानको मर्म र भावना विपरीत हुने गतिविधिको प्रतिवाद गर्ने साझा रणनीति बनाउने तयारीमा रहेको स्रोतले जनाएको छ ।
