नेपालगन्ज । नेपाल कम्युनिस्ट पार्टी माओवादी केन्द्र बाँकेको विस्तारित बैठक नेपालगन्जमा सुरु भएको छ । बैठकमा माओवादी केन्द्र बाँकेका इन्चार्ज पुर्व मुख्यमन्त्री कुलप्रसाद लगायत केन्द्रिय नेताहरुको उपस्थिति छ । बैठक जिल्ला संयोजक नरेन्द्र प्रसाद पाण्डेको अध्यक्षमा भएको छ ।
बैठकको प्रमुख अतिथि माओवादी केन्द्रका केन्द्रिय सचिव तथा लुम्बिनी प्रदेश इन्चार्ज हितमान शाक्यले गर्नुभएको छ भने रिपोर्टिङदेखि बैठक सुरुभएको अध्यक्ष पाण्डेले जनाउनु भएको छ । पार्टीलाई रुपान्तरण गर्ने उद्देश्यका साथ सुरु भएको बैठकबाट सकारात्मक कुराको निर्णय हुने अपेक्षा गरिएको छ । 
बैठकमा स्थायी समिति सदस्य पुर्णाकुमारी सुवेदी, पुर्व मन्त्री महेश्वरजंग गहतराज लगायत केन्द्रिय सदस्य, प्रदेशका नेताहरूको बाक्लो उपस्थिति रहेको छ ।
माओवादी केन्द्र बाँकेको विस्तारित बैठक सुरु
गुडन्यूज खबर
।
२०८० भाद्र ६, बुधबार १३:१५
