सबिता चन्द
नेपालगन्ज । पुर्व स्वर्गीय राजा विरेन्द्रको शालिक पुनास्थापना समितिले मंगलवार नेपालगन्जमा प्रेस मिटको आयोजना गरि संचारकर्मीहरुलाई आफुले गरेका उपलब्धिहरु प्रेस बिज्ञप्ति मार्फत सार्वजनिक गरेको छ । दुई महिना अघि गठन गरिएको सो समितिले के कति काम गर्यो भनेर सो उपलब्धि सार्वजनिक गरेको हो ।
समितिका संयोजक तेज बिक्रम शाहले प्रेस बिज्ञप्ति पाठ गरेर उपस्थित पत्रकारहरुलाई सुनाउनु भयो । समिति गठन भएको दुई महिनामा उल्लेख्य काम गर्न सहयो गर्ने सम्बद्धहरुलाई संयोजक शाहले धन्यवाद समेत दिनु भयो । सर्वदलीय सहयोग सहित स्व. राजा विरेन्द्रको शालिक बनाउने बिबादलाई समाधान गर्दै शालिक स्थापनामा सहयोग गर्न अपिल गर्नु भयो ।
समितिले दोस्रो चरणमा शालिक पुनस्थापना गर्न जिल्ला स्थित सबै राजनीतिक दलहरुसँग सर्वदलीय बैठक गर्ने बताएको छ । त्यस्तै नेपालगन्ज उपमहानगरपालिकाका २३ वटै वडाहरुमा नेपालगन्जको विरेन्द्र चोकमा स्व. पुर्व राजा विरेन्द्रको शालिक पुनर्स्थापनामा सहयोग र समर्थन जुटाउन वडा संयोजकको संयोजकत्वमा सबै वडामा १५१ सदस्यीय एक्केबद्धता समुह गठन गर्ने जनाएको छ ।
दुई महिना अघि मातृभूमि नवनिर्माण अभियान, नेपाल बाँके जिल्लाको पहलमा राजा विरेन्द्रको शालिक पुनस्थापना समिति गठन भएको थियो ।
