नेपालगन्ज । नेपाल पत्रकार महासंघ बाँके शाखाका पुर्व सभापति रुद्र सुबेदीलाई पितृ शोक परेको छ ।
४० वर्ष लामो समयसम्म शिक्षण पेशामा आवद्ध हुनुभेका डम्मर सुबेदीको आज शिक्षण अस्पतालको सघन कक्षमा उपचारका क्रममा निधन भएको सुबेदीको पारीवारीक श्रोतले जनाएको छ । सुबेदी बिगत देखि सुगर प्रेसरका बिरामी हुनुहुन्थ्यो ।
शिक्षण पेशाबाट बिश्राम लिएपनि सामाजिक कार्यमा क्रियाशिल रहदै आउनु भएका सुबेदी शिक्षक सहकारी नेपालगन्जका अध्यक्षको रुपमा कार्यरत रहदै आउनु भएको थियो ।
नेकपा एमाले तत्कालीन अञ्चल कमिटीको कार्यालय सचिव भएर कार्यरात सुबेदी हाल लुम्बिनी प्रदेश कमिटी सदस्यमा रहेर पार्टिमा समेत क्रियाशिल हुनुहुन्थ्यो । उहाँको अवशानले पार्टिलाई अतुलनिय क्षति पुगेको नेकपा एमाले बाँकेका उपाध्यक्ष डिल्लि बिसिले बताउनु भयो ।
२००२ सालमा कास्कि जिल्लाको काँस्किकोटमा जन्मिनु भएका डम्मबर सुबेदीको पार्थिब शरिरलाई पारीवारीक श्रोतका अनुसार भोलि ३० गते विहान बाँकेको अगैयाघाटमा अन्तिम संस्कारमा लगिने भएको छ । अगैयाघाट लैजानु अघि स्वर्गिय सुबेदीको पार्थिब शरीरलाई नेकपा एमाले बाँकेको पार्टि कार्यालयमा श्रद्धाञ्जलिका लागि राखिने छ भने ८ बजे त्यहाबाट घाट लैजाने ब्यबस्था मिलाईएको सुबेदी परीवारले जनाएको छ ।
नेपालगन्ज आफनै निवासबाट र कोहलपुरको न्युरोड चोकबाट आफन्त तथा शुभ चिन्तकहरुका लागि सवारी साधनको ब्यबस्था गरिने भएको छ ।
उहाँको धर्मपत्निको यस अघि नै निधन भई सकेको छ भने सुबेदीका ३ छोरा ९रुद्र सुबेदी, माधव सुबेदी र गुरु सुबेदी र एक छोरी सिता सुबेदी हुनुहुन्छ ।
