संवाददाता, खजुरा।
लुम्बिनी प्रदेश सरकारका आन्तरिक मामिला, कानून तथा सहकारी मन्त्री कृष्णा केसी (नमुना) ले विकासमा कसैले राजनीति गर्न नहुने बताउनुभएको छ ।
बाँकेको खजुरा गाउँपालिका स्थित सैनिकमा आज ४१ औं मगर संघ स्थापना दिवस तथा मगर एकता दिवसको अवसरमा आयोजित कार्यक्रमलाई सम्बोधन गर्दै उहाँले यस्तो बताउनुभएको हो ।
उहाँले विकासमा राजनीति नभएर सबैले सहकार्य गरेर अगाडि बढ्नुपर्नेमा जोड दिनुभयो । साथै उहाँले खजुरा क्षेत्रको विकासका लागी आफुले पहल गर्ने प्रतिबद्धता समेत जनाउनुभएको छ ।
नेपालमा अहिलेको व्यवस्था परिवर्तनमा मगर समुदायको समेत महत्वपूर्ण भूमिका रहेको उल्लेख गर्दै नेपालमा मात्र नभएर विदेशी भूमीमा समेत मगर समुदायको आफ्नै प्रतिष्ठा रहेको बताउनुभयो ।
