संवाददाता, नेपालगंज ।
यहि फागुन ८ गते प्रेस संगठन नेपाल बाँकेको जिल्ला भेला बोलाईएको छ । सोमबार नेपालगन्जमा सम्पन्न प्रेस संगठन नेपाल जिल्ला कार्यसमितिको बैठकले जिल्ला भेला गर्ने निर्णय गरेको हो ।
बैठकले प्रेस संगठन नेपाल बाँकेका संयोजक डक्ट प्रसाद धितालको नेतृत्वमा जिल्ला भेला आयोजना तयारी समिति समेत गठन गरेको छ ।
जसको सदस्यहरुमा राजेश आचार्य, संगिन शर्मा, क्षेत्रनाथ देवकोटा, जयपती ढकाल, कृष्ण ओली र दिनेश ठाकुर रहनुभएको छ ।
संगठनका संयोजक डक्ट धितालको अध्यक्षतामा बसेको बैठकले संगठनलाई थप मर्यादित, सुदृढ र शसक्त बनाउँदै आगामी रणनिति तय गर्ने उद्धेश्यले जिल्ला भेला आयोजना गर्ने निर्णय गरेको संयोजक धितालले जानकारी दिनुभयो ।
बैठकले पुष ५ गते केपी ओली नेतृत्वको सरकारले गरेको संसद विगठनप्रति खेद समेत ब्यक्त गरेको छ ।
नेपाल कम्युनिष्ट पार्टी (नेकपा) प्रचण्ड–नेपाल पक्षको शुभेक्छुक संगठन प्रेस सगठन नेपालले कार्यसमितिमा जावेद अहमद शाह, दिनेश ठाकुर र जयपति ढकाललाई मनोनित पनि गरेको जनाएको छ ।