सन् २०३० को एसियाली खेलकुद प्रतियोगिता आयोजना गर्ने पाउनुपर्ने दाबी गर्दै कतारले खेलको आधिकारिक लोगो र नारा सार्वजनिक गरेको छ ।
सन् २०२२ को विश्वकप फुटबलको आयोजना गर्ने तयारी गरिरहेको कतारले २०३० को २१ औं एसियाली खेलकुद राजधानी दोहामा गर्ने दाबी यसअघि नै गरिसकेको थियो ।
अहिले दोहा २०३० आयोजक शहरको दाबी कमिटीले त्यसको लोगो र नाराको अनावरण समेत गरेको छ ।
कतार ओलम्पिक कमिटीका अध्यक्ष तथा दोहा २०३० एसियन गेम्स बिडिङ कमिटीका प्रमुख शेख जोन बिन हमाद बिन खालिफाले कतारी खेलाडी र समितिका प्रतिनिधिहरुसँगै भर्चुअल रुपमा आधिकारिक लोगो र नारा सार्वजनिक गर्नुभएको हो ।
