संवाददाता, नेपालगंज ।
२९ साउन २०७९ का दिन मान्छेलाई आक्रमण गरेको करिब १२ बर्षको पोथि पाटे बाघलाई नियन्त्रणमा लिईएको छ । आज सल्यानको कालिमाटी गाउँपालिका वडा नम्बर ७ स्वामीबास बन क्षेत्रबाट डार्ट गरी बाघलाई नियन्त्रणमा लिईएको हो ।
नियन्त्रणमा लिईएको पाटे बाघलाई बाँके राष्ट्रिय निकुञ्ज कार्यालयको खैरी पोष्ट नजिक रहेको खोरमा सुरक्षित राख्न पठाईएको बर्दिया राष्ट्रिय निकुञ्ज कार्यालयले जनाएको छ ।
पाटे बाघको आक्रमणमा परी बर्दिया राष्ट्रिय निकुञ्ज अन्र्तगत पर्ने चेपाङ्ग मध्यवर्ति क्षेत्र अन्र्तगत रहेको भेरी गंगा नगरपालिका वडा नम्बर ५ गेरुवनी स्थित शक्ति मध्यवर्ति सामुदायिक बन क्षेत्रमा घाँस काट्न जानुभएका स्थानीय ४६ बर्षिय राम बहादुर चन्द र ६७ बर्षिया कबि वलीको ज्यान गएको छ ।
घटना पछि निकुञ्ज कार्यालयका कर्मचारी, निकुञ्ज सुरक्षामा खटिएको नेपाली सेना, स्थानीय उपभोक्ता समिति, राष्ट्रिय प्रकृति संरक्षण कोष, बर्दियाबाट खटिएको टोलिले बन क्षेत्रमा क्यामेरा जडान गरी बाघको गतिविधि अनुगमन गरेको थियो ।
