नेपालगन्ज । नेपाली काँग्रेसका तर्फबाट नेपालगन्ज उपमहानगरपालिकाका नगर प्रमुख पदका उम्मेदवार प्रशान्त विष्टले इस्लाम धर्मावलम्बीहरुको महत्वपूर्ण चाड इदको शुभकामना दिनुभएको छ । आज विहानै इदगाहमा पुग्नुभएका विष्टले मुस्लिम समुदायको महत्वपूर्ण चाड इदको शुभकामना दिँदै सबै धर्म समुदायका चाड पर्वहरुलाई सम्मान गर्नुपर्ने बताउनुभयो । उहाँले नेपालगन्ज धार्मिक सद्भावको नमुना सहर भएकाले सबै समुदायले सबै धर्म संस्कृतिको जगेर्ना गर्नुपर्नेमा जोड दिनुभयो । नेपालगन्ज उपमहानगरपालिकाका मेयर पदका उम्मेदवार विष्टले एकआपसमा अंकमाल गर्दै इदको शुभकामना दिनुभएको हो । त्यसक्रममा मुस्लिम समुदायले आसन्न स्थानीय तहको निर्वाचनमा विजयीको शुभकामना दिएका थिए ।
इदगाहमा पुगे मेयर पदका उम्मेदवार विष्ट
गुडन्यूज खबर
।
२०७९ बैशाख २०, मंगलवार ०८:३५
