संवाददाता, नेपालगंज ।
विभिन्न सामाजिक कार्यमा सक्रिय ग्रेस कम्यूनिटी नेपालले चालु आर्थिक बर्ष २०७८-०७९ मा विपन्न तथा गरिब समुदायलाई लक्षित गरि १० वटा खानेपानी धारा सहयोग स्वरुप उपलब्ध गराउदै छ ।
संस्थाको सोही बार्षिक कार्यक्रम अनुसार आज बर्दियाको बारबर्दिया नगरपालिका अन्र्तगत पर्ने वडा नम्बर ८ र ९ मा गरी ३ वटा खानेपानी धारा जडान कार्य सम्पन्न भएपछि स्थानीयलाई हस्तान्तरण गरिएको हो ।
वडा नम्बर ८ का वडा अध्यक्ष हरी भुषाल, वडा नम्बर ९ का वडा अध्यक्ष फत्तु थारु, ग्रेस कम्यूनिटी नेपालका प्रबन्ध निर्देशक शेर बहादुर बोहराले संयुक्त रुपमा रिबन काटेर खानेपानी धाराको उद्दघाटन सहित स्थानीयबासीलाई हस्तान्तरण गर्नुभएको ग्रेस कम्यूनिटी नेपालले जनाएको छ ।
सरोकारवाला निकाय सँगको समन्वय सहकार्यमा आफनो घर छेउमै खानेपानी धारा पाएपछि कर्तेनिया, खल्ला कर्तेनिया र बकलभारका स्थानीयबासीहरु खुसी भएका छन ।
अन्य ठाउँमा पनि खानेपानी धारा जडानको कार्य चलिरहेकाले जडान कार्य सम्पन्न हुनासाथ छिटै समुदायलाई हस्तान्तरण गरिने ग्रेस कम्यूनिटी नेपालले जनाएको छ ।
