संवाददाता, बर्दिया।
ब्यवस्थित वधशालाको अभावमा कतिपय स्थानीय सरकारले आलोचना खेपी रहेका बेला बर्दियाको गुलरिया नगरपालिकाको वधशाला भने लामो समयदेखी प्रयोग विहिन भएको छ ।
ठुलो लगानी गरेर गुलरिया ८, गुलरिया नेपालगंज सडक खण्डको बाइपास रोडमा रहेको वधशालाको भौतिक पूर्वाधार संरचनाहरु प्रयोग विहिन हुदाँ कवार्डमा परिवर्तन हुन थालेको छ ।
यो वधशालाबाट चाइना लङ फुड प्रा.ली. नामक एक ब्यवसायिक उद्योगले केही समय राँगाको मासु उत्पादन तथा प्रशोधन गरी विदेशमा निर्यात गर्दै आएको थियो ।
धेरै स्थानीयहरुले पनि रोजगारी पाएका थिए । तर अहिले ठेकदार कम्पनी बेपत्ता छ भने गुलरिया नगरपालिका (स्थानीय) सरकार नगर क्षेत्रमा बढ्दो बेरोजगारी समस्याका बीच मौन बसेको छ ।
उसो त, गुलरियामा उद्योग कलकारखानाहरु थोरै मात्र छन्, यहाँ बेरोजगार ब्यक्तिहरु रोजगारी खोज्दै जिल्ला बाहिर जानुपर्ने बाध्यता छ । तर यहाँको स्थानीय सरकारले भएका उद्योग पनि संञ्चालन गर्न, नसक्नु दुखत कुरा भएको स्थानीय बताउँछन ।
अपडेट
