- प्रेम विश्वकर्मा, नेपालगंज ।
चालु आर्थिक बर्ष २०७८-०७९ मा बाँके र बर्दियामा आवास ब्यवस्था कार्यक्रम अन्र्तगत ३ सय ५२ वटा घरहरु निर्माण गरिने भएको छ ।
जनता आवास (संघीय शसर्त अनुदान) लक्षित वर्गको आवास निर्माणका लागी १२ करोड २८ लाख रुपैंया बजेट छुट्टाईएको शहरी विकास तथा भवन कार्यालय बाँकेका सूचना अधिकारी बेचन प्रसाद यादवले जानकारी दिनुभयो ।
प्रति घर ३ लाख ३६ हजार रुपैंया बराबरको लागत खर्च पर्ने गरी बाँकेमा २०६ र बर्दियामा १४६ वटा घर निर्माण गर्ने कार्यक्रम रहेको छ ।
प्रदेश र स्थानीय सरकार सँगको समन्वयमा अहिले लाभग्राही छनौट लगायतको कार्य प्रक्रियामै रहेको शहरी विकास तथा भवन कार्यालय बाँकेले जनाएको छ ।
गत आर्थिक बर्ष २०७७-०७८ मा बाँके जिल्लाभित्र ६६ वटा जनता आवासका घर निर्माण कार्य सम्पन्न गरिएको छ । भने बर्दिया जिल्ला भित्रका १२१ वटा घर निर्माण कार्य सम्पन्न भएको छ ।
अझै १० वटा घरको निर्माण कार्य बाँकी रहेको शहरी विकास तथा भवन कार्यालय बाँकेका सूचना अधिकारी बेचन प्रसाद यादवले जानकारी दिनुभयो ।
उहाँका अनुसार गत आर्थिक बर्षमा जनता आवास (संघीय शसर्त अनुदान) लक्षित वर्गको आवास निर्माणका लागी १४ करोड ५० लाख रुपैंया बजेट छुट्टाईएको थियो ।
लुम्बिनी प्रदेश सरकार अन्र्तगत रहेको शहरी विकास तथा भवन कार्यालयको गत आर्थिक बर्षमा बाँके र बर्दियामा १९७ वटा घर निर्माण गर्ने योजना रहेको थियो ।
