संवाददाता, नेपालगंज ।
भेरी अस्पताल नेपालगंजमा उपचाररत नेपालगंज १८ बाँकेकी ६९ बर्षिया महिलाको आइतबार साँझ मृत्यु भएको छ ।
जिल्ला कोभिड ब्यवस्थापन केन्द्र (डीसीएमसी) बाँकेले सार्वजनिक गरेको विवरण अनुसार मृतक महिलाको पीसीआर जाँच कार्तिक ६ गते गरिएको थियो । र सोही दिन कोभिड संक्रमण पाईएपछि महिलालाई भेरी अस्पतालको कोभिडमा भर्ना गरिएको थियो ।
यो सगैं बाँकेमा कोभिडको महामारी शुरु भएयता देखी हालसम्म ज्यान गुमाउने कोभिड संक्रमितको संख्या ३४० जना र बाँके जिल्ला बाहिरका ४१८ जना रहेको जिल्ला कोभिड ब्यवस्थापन केन्द्र (डीसीएमसी) बाँकेका कोभिड फोकल पर्सन तेज वलीले जानकारी गराउनुभएको छ ।
