संवाददाता, नेपालगंज।
भेरी अस्पताल नेपालगंजमा आज बिहान ६ः४५ बजे दाङ्गको तुल्सिपुर उपमहानगरपालिका वडा नम्बर ६ की ६५ बर्षिया कोभिड संक्रमित महिलाको मृत्यु भएको छ ।
उहाँलाई नेपालगंज मेडिकल कलेजमा भदौं २९ गते पीसीआर जाँच गर्दा कोभिड संक्रमण देखिएपछि ३० गते भेरी अस्पतालको कोभिड वार्ड भर्ना गरिएको थियो ।
यो सगैं बाहिरी जिल्लाबाट बाँकेमा उपचारका लागी आई मृत्यु हुने कोभिड संक्रमितको संख्या ४०६ जना र बाँके जिल्ला भित्रका कोभिड पछि मृत्यु हुनेको संख्या ३३० जना पुगेको छ ।
जिल्ला कोभिड ब्यवस्थापन केन्द्र (डीसीएमसी) बाँकेले आज दिँउसो सार्वजनिक गरेको विवरण अनुसार बाँकेमा कोभिडको संक्रमण दर १३.७० प्रतिशत पुगेको छ ।
