दाङ । जिल्ला प्रशासन कार्यालय रुकुम पश्चिमले शुक्रबारदेखि अत्यावश्यकबाहेकका सेवा बन्द गरेको छ । जिल्ला प्रशासन कार्यालय रुकुम पश्चिममा कार्यरत एकजना कर्मचारीमा कोरोना भाइरस ९कोभिड(१९० को संक्रमण देखिएपछि भदौ ११ गते सम्मका लागि कार्यालय बन्द गरिएको प्रमुख जिल्ला अधिकारी बद्रीनाथ गैह्रेले जानकारी दिए ।
उनका अनुसार जिल्ला प्रशासन कार्यालयबाट प्रदान गरिने शान्ति सुरक्षा, मुद्धा सम्बन्धी सेवा, ठाडो निवेदन र उजुरी तथा बिपद् ब्यबस्थापन सम्बन्धी बाहेकका अरू सबै सेवाहरू स्थगित गरिएको छ ।
बिहीबार एक सूचना जारी गर्दै प्रशासनले निषेधाज्ञा खुकुलो भएसँगै कार्यालयमा सेवाग्रहीको भिड बढ्दा जोखिम बढेको जनाएको छ । बाह्रखरी
