संवाददाता, नेपालगंज।
कोभिड–१९ विरुद्धको खोप अभियान कार्यक्रम अहिले देशका विभिन्न भागमा चलिरहेको छ । कोभिशिल्ड खोप अभियानको तुलनामा अहिले भेरोसेल नामक खोप लगाउनेहरुको संख्या बढी देखिएको छ ।
पहिले खोपबारेमा केही भ्रमहरु देखिन्थे । तर अहिले ति भ्रमबारे आमसर्वसाधारण सबैले बुझ्दै गएपछि कोभिड विरुद्धको खोप लगाउन धेरै इच्छुक देखिएका हुन ।
अहिले चलिरहेको खोप अभियानमा ५५ वर्ष र त्यसभन्दा माथिका उमेर समूहका ब्यक्ति, विश्वविद्यालय, विद्यालयका प्राध्यापक, शिक्षक र कर्मचारीहरु, सार्वजनिक यातायातमा कार्यरत चालक र सहचालकलाई भेरोसेलको पहिलो मात्रा लगाउन नेपाल सरकारले प्राथमिकतामा राखी खोप कार्यक्रम अघि बढाएको छ ।
तस्बिर : आधारभूत विद्यालय शिवशक्ती टेसनपूर, बढैयाताल गाउँपालिका ९ ।। कालिका स्वास्थ्य चौकी बर्दियाबाट
