सविता चन्द
नेपालगंज । कोभिड–१९ को महामारी शुरु भएयता हालसम्म बाँके जिल्लामा ३ सय ११ जना ब्यक्तिले ज्यान गुमाएका छन । तर अहिले मृत्युदर भने घटेको छ ।
बाँकेमा महामारी पछि हालसम्म करिब साढे १७ हजार जना ब्यक्ति संक्रमित भएकोमा अहिले अधिकांश निको भईसकेका छन ।
बाँके जिल्ला यो क्षेत्रकै एउटा स्वास्थ्य क्षेत्रको हब पनि भएकाले उपचारका लागी बाँकेमा आई मृत्यु भएका कोभिड संक्रमितको संख्या भने ३ सय ६५ जना पुगेको छ ।
विगतको तुलनामा महामारीको त्रास केही कम भएता पनि जोखिम भने अझै पुर्ण रुपमा हटि सकेको छैन ।
बाँकेकै अर्को खबर अनुसार आज नेपालगन्ज उपमहानगरपालिका क्षेत्र भित्रका विभिन्न टोल, बस्ती, वडाहरुमा स्वास्थ्य सेवा गरिरहेका १ सय ६८ जना महिला स्वास्थ्य स्वंयम सेविकाहरुलाई साइकल उपलब्ध गराईएको छ ।
मुख्यमन्त्री ग्रामिण विकास तथा रोजगार कार्यक्रम अन्र्तगत साइकल उपलब्ध गराईएको नेपालगंज उपमहानगरपालिका कार्यालयले जनाएको छ ।
