योगेश पाण्डे
नेपालगन्ज । नेतृव बिकासका लागि ५ दिने महिला अभिमुखिकरण तालिम शुरु भएको छ । प्रमुख अतिथि लुम्बिनी प्रदेश सदस्य पार्वती पुन ( उषा) रहनु भएको सो कार्यक्रमको प्रमुख प्रशिक्षक अधिवक्ता मोहन अर्याल हुनुहुन्छ ।
शुक्रबार नेपालगन्ज सुर्खेत रोडमा अबस्थित होटेल ग्यालेक्सी दरबार भएको सो तालिमको उद्घाटन सत्रमा प्रमुख अतिथि पुनले महिलाहरूले आफ्नो अधिकारको लागि जागरूक हुनुपर्ने बताउनु भयो । महिला नै आजको शक्तिशाली हतियार हो भन्दै सांसद पुनले महिलाहरुले कत्ती पनि आफुलाइ कमजोर नवनाएर अगाडी बढ्न उत्साह दिनु भयो । त्यस्तै संबिधान सभा सदस्य अन्जना चौधरीले महिलाहरू नै आजको आवस्यकता हो भनेर उपस्थित महिलाहरूलाई हौसला दिनु भयो । आधा आकस ढाकिएका महिलाहरू हिंसाको सिकार भएको कुरा उल्लेख गर्दै यस्ता कुराहरू देखि सचेत भएर नेतृत्व विकास गर्न प्रेस सेन्टर बाँके अध्यक्ष डक्ट प्रसाद धितालले बताउनु भयो ।
करिव १ सय जना महिलाहरू सहभागी भएको तालिमको उद्घाटन सत्रको अध्यक्षता एकता आमा समूहका अध्यक्ष मेनका बमले गर्नु भएको थियो भने कार्यक्रम संचालन मुना हमालले गर्नुभएको थियो । सो तालिमको आयोजना एकता आमा समुह बाँकेले गरेको छ ।
