पवन कुमार चौधरी
कोहलपुर | डायमण्ड स्टार एकेडेमी स्कुल परिवारले १३ घरपरिवारलाई राहत वितरण गरेको छ । बुधवार कोहलपुर-१२ मा रहेको सो विद्यालयले कोरोना भाइरसको दोस्रो लहरले थिला-थिला परेका १३ घर परिवारलाई राहत वितरण गरेको विद्यालयका प्रवन्धक तिमोथी ताम्राकारले बताउनु भयो ।
राहतका क्रममा प्रति परिवारलाई १ बोरा चामल र २ किलो दाल वितरण गरिएको थियो । लामो समयदेखि लकडाउन भएपछि गरिखाने बर्ग आर्थिक चपेटामा परेको र यस्तो अवस्थामा केही उपहार दिन सकेको भन्दै विद्यालयका प्रवन्धक ताम्राकारले खुशी प्रकट गर्नु भयो । ताम्राकारले भन्नुभयो ´ यो विसम परिस्थितिमा कोरोना भाइरसको दोस्रो भेरिएन्टले देशनै महामारीको सिकार भएको छ । यस्तो बेला गरिखाने बर्गको सानो भएपनि गर्जो टार्ने प्रयास मात्र हो ।`
विद्यालय प्रबन्धक ताम्राकारको अध्यक्षतामा शुरु भएको राहत वितरण कार्यक्रमको प्रमुख अतिथि पास्टर खेमराज परियारले गर्नु भएको थियो भने कार्यक्रम संचालन विद्यालयका हेडमास्टर शोभाराम बिएमले गर्नु भएको थियो ।
