संवाददाता, नेपालगंज।
बालिकालाई जबरजस्ती करणी प्रयास गरि ज्यान मार्ने मनसायले कुटपिट गरी बेहोस बनाई फरार नेपालगंज ४ का २० बर्षिय जुनेद हलवाई पक्राउ परेका छन ।
उनलाई भारतीय प्रहरीको सहयोगमा मंगलबार पक्राउ गरि आज पत्रकार सम्मेलन मार्फत जानकारी गराईएको हो । घोसी टोल बस्ने जुनेद हलवाईले गत माघ १६ गते नेपालगंज ४ बसपार्क स्थित एक होटलमा बालिकामाथी जबरजस्ती करणी तथा कुटपिट पछि बेहोस बनाई भागेका थिए ।
यसैगरी कर्तव्य ज्यान मुद्दाका फरार खजुरा गाउँपालिका ६ सिमलघारीका २० बर्षिय बम बहादुर सार्की पनि पक्राउ परेका छन । उनलाई जिल्ला अदालत बाँकेले २०७७ कार्तिक २४ गते फैसला गर्दै कर्तव्य ज्यान मुद्दामा २ महिना कैद सजाय तोकेको थियो ।
पक्राउ परेका उनलाई जिल्ला अदालत बाँकेमा बुझाईएको छ । फरार ब्यक्ति पक्राउ गर्ने अभियान अन्र्तगत हाल सम्म ५४६ जना फरार अभियुक्त पक्राउ गरी सकिएको जिल्ला प्रहरी कार्यालय बाँकेले जनाएको छ ।
