नेपालगन्ज । नेपाल पूर्व प्रहरी सङ्गठन बाँकेले जाजरकोट र रुकुमपश्चिम्का भूकम्पबाट प्रभावितहरुलाई राहतस्वरुप आर्थिक सहयोग गरेको छ ।
बाँकेका प्रमुख जिल्ला अधिकारी श्रवणकुमार पोखरेलमार्फत् सङ्गठनमा आवद्ध सदस्यहरुबाट स्वस्फूर्त रुपमा सङ्कलन भएको ९१ हजार रुपैयाँको चेक भूकम्प पीडितलाई सहयोग उपलव्ध गराइएको सङ्गठनका बाँके अध्यक्ष पूर्व प्रहरी निरीक्षक गङ्गाबहादुर अधिकारीले जानकारी दिनु भएको छ ।
सङ्गठनका वरिष्ठ सल्लाहकार पूर्व प्रहरी नायव उपरीक्षक सूर्यबहादुर केसीले पूर्व प्रहरी कर्मचारीहरु सङ्कटको बेलामा थोरै भएपनि त्यहाँका पीडित नेपाली दाजुभाई दिदीबहिनीहरुको सहयोगका लागि आफ्नो खाईपाई आएको पेन्सनबाट राहत स्वरुप आर्थिक रकम जुटाइएको बताउनु भयो ।
उहाँले राहत रकम थोरै भएपनि समस्या परेको बेलामा एकले अर्कोलाई सहयोग गर्ने पवित्र उद्देश्यले सङ्कलन गरिएको ९१ हजार बराबरको चेक प्रजिअमार्फत् हस्तान्तरण गरिएको बताउनु भएको हो।
