संवाददाता, नेपालगंज ।
बढ्दो गर्मी सगैं आगलागीका घटनाहरु पनि बढ्न थालेका छन । त्यसैक्रममा आज बिहान साढे ११ बजे बाँके नरैनापुर गाउपालिकाको वडा नम्बर १ सुइया गाउँमा आगलागी भएको खबर सार्वजनिक भएको छ ।
आगलागीबाट २४ घर जलेर खरानी भएका छन भने ठुलो क्षति पुगेको छ । दुःखद घडीमा पुग्नुभएका नरैनापुर गाउँपालिका अध्यक्ष इस्तियाक अहमद शाहले आगलागी पीडितलाई सक्दो सहयोग गर्ने बचन दिनुभएको छ ।
जलेका घर फेरि बनाउने छौ, भन्दै उहाँले आवश्यक सहयोगको लागी सबैमा अपिल पनि गर्नुभएको छ । गाउँपालिकाको दमकल, सशस्त्र प्रहरी, नेपाल प्रहरी र स्थानीयहरुको सहयोगमा आगो नियन्त्रणमा लिईसकिएको छ ।
गरिब तथा विपन्न मुस्लिम र मधेसी समुदायको बाक्लो बसोबास रहेको नरैनापुर क्षेत्रमा प्रत्येक बर्ष आगलागीका घटनाहरु भइरहन्छन । खासगरी खरले छाएका घर, गोठहरुमा गर्मीयाममा बढी आगलागीका घटनाहरु हुने गरेका छन ।