संवाददाता, नेपालगंज।
नेपाल सरकार र नेत्र विक्रम चन्द (विप्लव) नेतृत्वको नेपाल कम्युनिष्ट पार्टी बीच तीन बुँदे सहमति पत्रमा हस्ताक्षर भएको छ ।
सहमति पत्रमा सरकारको तर्फबाट गृहमन्त्री समेत रहनुभएका सरकारी वार्ता टोलीका प्रमुख राम बहादुर (थापा) बादल) र विप्लवको तर्फबाट प्रवक्ता तथा वार्ता टोली प्रमुख खड्ग बहादुर विश्वकर्मा (प्रकाण्ड) ले हस्ताक्षर गर्नुभएको हो ।
सहमतिको विस्तृत विवरण भोली फागुन २१ गते दिँउसो २ बजे विशेष समारोहका बीच सार्वजनिक गरिनेछ ।
साथै नेपाल सरकारको तर्फबाट प्रधानमन्त्री केपी शर्मा (ओली) र नेपाल कम्युनिष्ट पार्टीको तर्फबाट महासचिव नेत्र विक्रम (चन्द) विप्लव) ले सम्बोधन गर्ने कार्यक्रम तय भएको छ ।
सहमति अनुसार अब राजनीतिक बिषयहरुको समाधान संवाद माध्यमबाट गर्ने, शान्तिपुर्ण रुपमा राजनीतिक क्रियाकलापहरु संञ्चालन गर्ने र नेपाल सरकारले लगाएको पार्टीमाथीको प्रतिबन्ध हटाउने, सम्पुर्ण बन्दीको रिहाई, मुद्दा खारेजी लगायतका बिषयहरु छन ।
