साउदी अरेबिया स्थित नेपाली राजदूताबास रियादले तत्काल अस्थायी कार्यालय संचालन नगर्ने

  ।   २०७७ माघ २२, बिहीबार १८:००

संवाददाता, साउदी अरेबिया ।
साउदी अरेबिया स्थित नेपाली राजदूताबास रियादले दमाममा राहदानी आवेदन संकलनका लागि अस्थायी कार्यालय संचालन गर्न स्थगन गरेको छ ।

यसका लागि राजदूताबासले आज एक सूचना प्रकाशित गरि यसबारेमा जानकारी गराएको हो ।

५ र ६ फेब्रुअरीमा साउदी अरेबियाको शहर दमाममा अस्थायी कार्यालय सञ्चालन गर्ने भनिएको राहदानी आवेदन संकलन अस्थायी कार्यालय अर्को सूचना जारी नहुँदा सम्मका लागि स्थगन गरेको साउदी अरेबियास्थित राजदूताबासले जनाएको छ ।

साउदी सरकारले कोभिड–१९ संक्रमणको महामारी रोकथाम तथा नियन्त्रणमा ल्याउनका लागि आज राती १० बजे देखि लागू हुनेगरी ३० दिनका लागि होटल, पार्टी प्यालेस, व्यागंक्वेट, रेस्टुरेन्ट र यस्तै किसिमका स्थानमा कुनै पनि कार्यक्रम गर्न बन्देज लगाएको छ ।

केही दिन यता साउदी अरेबियामा कोरोना भाइरस संक्रमितहरुको संख्या बढ्दै गएको छ ।

बुधबार मात्रै पनि साउदी अरेबियामा कोरोना भाइरस सँग सम्बन्धित कारणले ३ जनाको ज्यान गएको थियो । ३ सय ६ जना नयाँ कोरोना संक्रमित भेटिएका थिए । २ सय ९० जना कोरोना संक्रमित उपचारपछि निको भई फर्किएका छन ।

बुधबार सम्म साउदी अरेबियामा कोरोना संक्रमितको कुल संख्या ३ लाख ६८ हजार ९ सय ४५ पुगेको छ भने निको हुनेको संख्या ३ लाख ६० हजार ४ सय जना पुगेको छ ।

हालसम्म कोरोनाबाट ६ हजार ३ सय ८६ जनाको ज्यान गएको साउदी स्वास्थ्य मंत्रालयको तंथ्याक छ ।

  • जारी सूचना यस्तो छ, हेर्नुहोस ।

साउदी अरेबियाबाट अरशद शेष राईको सहयोगमा…

 

Leave a Reply

Your email address will not be published. Required fields are marked *

Next Post

संयुक्त समावेशी प्यानलको उम्मेद्वारी घोषणा

२०७७ माघ २२, बिहीबार १८:००
 फागुन २२ गते हुने कोहलपुर वाणिज्य संघको निर्वाचनकालागि संयुक्त समावेशी साझा प्यानलले उम्मेदवारी टुंगो लगाएको छ । साझा प्यानलको तर्फबाट विष्णु प्रसाद खनालको नेतृत्वमा सबै पदका उम्मेदवारको नाम सार्वजनिक गरीएको छ । जसको अध्यक्षमा विष्णु प्रसाद खनाल, वरिस्ठ उपाध्यक्षमा तेज प्रसाद अधिकारी, उपाध्यक्ष (उद्योग) तर्फ कमल खड्का, उपाध्यक्ष ९बाणिज० बलराम […]