युनेस्कोले आयोजना गरेको दुईदिने अभिमुखिकरण तालिम सम्पन्न

  ।   २०७७ माघ १६, शुक्रबार २०:३३


सिराज खान
नेपालगन्ज । सामाजिक तथा व्यवहार परिवर्तन सञ्चार अभियानबारे समुदायमा आधारित संस्थाहरुको लागि बाँके युनेस्को क्लबद्धारा आयोजना गरिएको दुई दिने अभिमुखिकरण तालिम शुक्रवार सम्पन्न भएको छ ।

क्लबले विश्व शिक्षाको आर्थिक सहयोग र एण्टिना फाउन्डेसनको प्राविधिक सहयोगमा बाध्यकारी बालश्रम न्युनीकरणका लागि बाँकेका तीन वटा पालिकामा सञ्चालन गरेको सक्रिय परियोजना अन्तर्गत सो अभिमुखिकरण तालिम दिइएको क्लबका संरक्षक प्रवेज अली सिद्दिकीले बताउनुभयो ।

उहाँले जिल्लाको नेपालगन्ज उपमहानगरपालिका, डुडुवा र जानकी गाउँपालिकामा सञ्चालन गरिएको सो परियोजनामार्फत सामाजिक व्यवहार परिवर्तन सञ्चार विधिको माध्यमबाट बालश्रम अन्त्यका लागि चेतना फैलाउने कार्यहरु भैरहेको बताउनुभयो ।

शुक्रवार सम्पन्न भएको तालिममा नेपालगन्ज र डुडुवाका विभिन्न बाल क्लब संजाल, युवा क्लब संजाल, बाल संरक्षण समिति र नागरिक समाज समुहका १५ जना प्रतिनिधिहरुको सहभागिता रहेको थियो ।

क्लबका अध्यक्ष राजेन्द्र चौधरीको अध्यक्षतामा गरिएको तालिम समापन कार्यक्रममा तालिमका सहभागिहरु मध्येबाट बोल्दै नेपालगन्ज वडा नम्बर १० को बाल क्लब सञ्जालका अध्यक्ष आदित्यसिंह थापा र सोही वडाको वडास्तरीय युवा क्लब सञ्जालका सहसचिव ओजस्वी जोशीले बाल अधिकारबाट वंचित विभिन्न क्षेत्रमा कार्यरत बालश्रमिकहरुको न्युनीकरण र उनीहरुको अधिकार सुनिश्चितताका लागि सक्रिय भएर लाग्ने प्रतिवद्धता जनाउनुभयो ।

बालश्रम न्यूनिकरणका लागि तालिममा सिकेका कुराहरुलाई व्यवहारमा उतार्ने समेत उहाँहरुको प्रतिवद्धता थियो ।

सोही अवसरमा बोल्दै तालिमका प्रमुख प्रशिक्षक एण्टिना फाउन्डेसनका कार्यक्रम संयोजक अरुण राईले तालिममा सहभागिहरुको बालश्रम न्यूनिकरणका लागि देखिएको उत्सुकता र प्रतिवद्धता उल्लेखनीय रहेको बताउनुभयो ।

यस्तै क्लबका अध्यक्ष चौधरीले तालिममा विशेष सरोकारवालाहरुको सहभागिता रहेकोले यसले बालश्रम न्यूनिकरणमा मुख्य भूमिका निर्वाह गर्ने विश्वास व्यक्त गर्नुभयो ।

सो अवसरमा क्लबका उपाध्यक्ष पन्चम गुरुंग, कार्यकारी निर्देशक रवि तुलाधर, सह निर्देशक साजिद अली सिद्दिकी, कार्यक्रम संयोजक गुलाम गौस लगायतको पनि उपस्थिति रहेको थियो ।

क्लबले विश्व शिक्षाको आर्थिक सहयोगमा गत अक्टुबर २०१९ देखि विशेष गरेर ईट्टा भठ्ठामा कार्यरत बालश्रमिक लगायत अन्य क्षेत्रमा रहेका बाध्यकारी बालश्रम न्युनीकरणका लागि सक्रिय परियोजना सञ्चालन गर्दै आएको छ ।

Next Post

कोभिड- १९ खोपबारे केही रोचक तथ्य, परीक्षणकालमै ४ वटा अस्वीस्कृत

२०७७ माघ १६, शुक्रबार २०:३३
काठमाडौं । सामान्यतस् कुनै पनि रोगविरुद्धको खोप प्रयोगका लागि तयार बनाउन कम्तीमा १० देखि १५ वर्षसम्म लाग्छ । यो अवधिमा खोपलाई पाँच चरणमा विकास गर्नुपर्ने हुन्छ भने मनिसमा तीनवटा चरणमा परीक्षण गर्नुपर्ने हुन्छ । कोभिड– १९ विरुद्धको खोप आपत्‌कालीन प्रयोगमा ल्याउनुपर्ने भएकाले यसको विकास नौ महिनामा गरिएको थियो । खोप […]

सम्बन्धित समाचार