संवाददाता, नेपालगंज ।
कोरोना भाइरसको संक्रमणबाट हाल सम्म ७ जना नेपाली पत्रकारको ज्यान गएको छ । ५१३ जना पत्रकार कोरोना भाइरसबाट संक्रमण भइ ४७० जना संक्रमण मुक्त भएका छन् ।
नेपाल पत्रकार महासंघको प्रेस स्वतन्त्रता अनुगमन इकाइमा गरिएको अभिलेख अनुसार सन् २०२० जनवरी १ देखि २०२० डिसेम्वर ३१ सम्मको अवधिमा ५२ वटा प्रेस स्वतन्त्रता हननका घटनाहरु भएका छन ।
सन् २०१९ मा प्रेस स्वतन्त्रता हननका ५० वटा घटना भएका थिए । यो एकबर्षको अवधिमा सबैभन्दा धेरै ३२ वटा घटना पत्रकारमाथि दुव्र्यवहार तथा धम्कीका छन् ।
त्यस्तै, ९ वटा घटना पत्रकारमाथि आक्रमणका छन् भने ५ वटा घटना पत्रकार गिरफ्तारीका छन् ।
४ वटा घटना कब्जा तथा अवरोधका रहेका छन् भने २ वटा घटना पेशागत असुरक्षाका रहेको नेपाल पत्रकार महासंघ द्धारा जारी अभिलेख प्रतिवेदनमा उल्लेख छ ।
