संवाददाता, नेपालगंज।
बाँकेमा आज नेपालगन्ज उद्योग वाणिज्य संघले उद्योग वाणिज्य महासंघका नवनिर्वाचित केन्द्रिय सदस्य चक्र बहादुर अधिकारीलाई स्वागत गरेको छ ।
अध्यक्ष अब्दुल वाहिद मन्सुरीको अध्यक्षतामा भएको एक समारोहका बीच केन्द्रिय सदस्य अधिकारीलाई औपचारिक रुपमा स्वागत गरिएको हो ।
अधिकारीलाई स्वागत गर्दै संघका अध्यक्ष मन्सुरीले व्यवसायिक हितका मुद्दामा आफुहरु सदैव एकसाथ रहने बताउनुभयो । कार्यक्रममा बोल्दै व्यवसायीहरुले व्यवसायिक हकहितका लागि सहकार्य गरेर अगाडी बढ्ने प्रतिवद्धता व्यक्त गरे ।
केन्द्रीय सदस्य अधिकारीले भने समग्र बाँके जिल्लाको व्यवसायिक क्षेत्रको विकासका लागि पैरवी गर्ने प्रतिवद्धता जनाउनुभएको छ ।
नेपाल उद्योग वाणिज्य महासंघको हालै सम्पन्न निर्वाचनबाट केन्द्रिय सदस्य पदमा निर्वाचित हुनु भएका अधिकारी कोहलपुर उद्योग वाणिज्य संघका अध्यक्ष समेत हुनुहुन्छ ।
