योगेश पाण्डे
नेपालगन्ज । नेपालगन्ज उद्योग वाणिज्य संघले नेपालगन्ज भन्सार कार्यालय प्रमुख जय बहादुर भण्डारी र आन्तरिक राजश्व कार्यालयका प्रमुख कर अधिकृत शरद चन्द्र पौडेलसंग आईतवार परिचायत्मक भेटघाट एवं स्वागत कार्यक्रम आयोजना गरेको छ ।
कार्यक्रममा भन्सार एवं करका समस्या समाधानका समसामयिक विषयमा छलफल भएको थियो ।
संघका अध्यक्ष अब्दुल वाहिद मन्सुरीको अध्यक्षतामा भएको कार्यक्रममा व्यवसायीका नेताहरुले कर एवं भन्सारसंग सम्बन्धित कामकाजलाई सरल र सहज बनाउन आग्रह गर्नुभएको छ ।
उनीहरुले कर एवं भन्सारसंग सम्बन्धित हरेक समस्या समाधान गर्न निजीक्षेत्रले सरकारलाई सहयोग गर्ने समेत बताउनुभयो ।
कार्यक्रममा संघका पदाधिकारी, कार्यसमिति सदस्य लगायतको सहभागिता रहेको थियो ।
