बाँके । जिल्लामा कोरोना भाइरस (कोभिड–१९) का सङ्क्रमितको सङ्ख्या तीन हजार चार सय नाघेको छ । बुधबार थप ४३ जनामा कोरोना सङ्क्रमण देखिएसँगै कोरोना सङ्क्रमितको सङ्ख्या तीन हजार चार सय ९१ पुगेको जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेले जनाएको छ ।
त्यस्तै गएको २४ घण्टामा २१ जना निको भएर फर्किएसँगै डिस्चार्ज हुनेको सङ्ख्या तीन हजार एक सय ५० पुगेको बाँकेका कोरोना संम्पर्क ब्यक्रि नरेश बाबु श्रेष्ठले जानकारी दिनुभयो ।
अब बाँकेमा तीन सय ६ जना सक्रिय सङ्क्रमित आइसोलेशनमा रहेका डीसीसीएमसी बाँकेले जनाएको छ ।
बाँके कोरोना सङ्क्रमणबाट ज्यान गुमाउनेको सङ्ख्या ३५ पुगेको छ । बाँकेमा बिरामी निको हुने दर ९०.२३ प्रतिशत, मृत्यु दर १.०० प्रतिशत र रोगको प्रकोप दर ०.५८ प्रतिशत रहेको छ ।
