संवाददाता, बर्दिया।
बर्दिया जिल्लामा पनि यसपटक तिहारमा देउसी, भैलो खेल्न नपाईने भएको छ ।
कोरोना भाइरसको जोखिम कायमै रहेकाले आफु रहेकै स्थानमा घरपरिवारका सदस्यहरु बीचमा मात्र तिहार, छठ मनाउन जिल्ला प्रशासन कार्यालय बर्दियाले सबैमा अपिल गरेको छ ।
आज बसेको जिल्ला सुरक्षा समितिको निर्णाय अनुसार कुनै सांस्कृतिक कार्यक्रम, सभा, सम्मेलन, खेलकुद तथा मेला महोत्सव जस्ता कार्यक्रम पनि आयोजना नगर्न भनिएको छ ।
तोकिएका कार्यहरु उल्लंघन गर्नेहरुलाई संक्रामक रोग ऐन, २०२० तथा स्थानीय प्रशासन ऐन, २०२८ बमोजिम कारबाही गर्ने चेतावनी पनि प्रशासनले दिएको छ ।
