भारत/ फेसबुक कम्पनीमाथि भारतको सत्तारुढ दल भारतीय जनता पार्टीलाई सघाएको आरोप लागेको छ ।
गत साता वाल स्ट्रिट जर्नलले भाजपा कार्यकर्ताको घृणायुक्त अभिव्यक्तिलाई फेसबुकले नजरअन्दाज गरेको रिपोर्ट छापिएपछि विवाद चर्किएको हो ।
रिपोर्टमा ‘मोदीलाई निराश नतुल्याउन फेसबुकले त्यसो गरेको’ दावी गरिएको छ । खासगरी मोदीलाई खुसी पार्नकै लागि मुस्लिम विरोधी पोष्टमाथि फेसबुकले एक्सन नलिएको रिपोर्टको दावी छ ।
त्यसैलाई आधार बनाउँदै विपक्षी दल कांग्रेसका नेता राहुल गान्धीले फेसबुक र ह्वाट्स एपमार्फत भाजपा कार्यकर्ताले फेक न्यूज फैलाएको वक्तव्य दिएपछि फेसबुक कम्पनी थप विवादमा तानिएको हो ।
–थाहा खबरबाट
