बाँके । बाँकेमा कोरोनाका कारण ६० वर्षीया महिलाको शनिबार मृत्यु भएको जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेले जनाएको छ ।
कोहलपुरस्थित नेपालगन्ज मेडिकल कलेजमा उपचार गराइरहनु भएका नेपालगन्ज उपमहानगरपालिका २० का ६० वर्षीया महिलाको साँझ ५ः३० बजे मृत्यु भएको जिल्ला स्वास्थ्य कार्यालय, बाँकेका अधिकृत एवं कोरोनाका फोकल पर्सन नरेश श्रेष्ठले बताउनुभयो ।
योसँगै बाँके जिल्लामा कोरोना संक्रमणबाट मृत्यु हुनेको संख्या ३१ पुगेको जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेले जनाएको छ ।
