नेपालगन्ज । माओबादी केन्द्रको तर्फबाट स्थानीय तहको निर्वाचनमा नेपालगंज उपमहानगरपालिका वडा १ को अध्यक्ष र सदस्यमा उम्मेदवारी दिएका उम्मेदवारहरुले घोषणा पत्र लिएर प्रचार अभियानलाइ तिब्र र आक्रमक बनाएका छन् । माओबादी केन्द्रका नेता तथा नेपालगंज १ का वडा अध्यक्ष पदका उम्मेदवार निरक पोखरेललाई जिताउनका लागि बिभिन्न प्रकार गीतहरु बनाएर घन्काउन जनताको घरदैलो अभियानमा लागेका छन् ।
पोख्रेल सहित उम्मेदवारहरु आफै टोल टोल तथा घरघरमा पुगेर आफ्नो उम्मेदवारीको बिषयमा बुझाउदै हिडेकाछन् । पोख्रेलले बिकास निर्माण र जन सरोकारका बिषयहरु आफ्नो प्राथमिकता रहने भन्दै नेपालगंज १ लाई नगरको उत्कृष्ठ वडा बनाइ छाड्ने भन्दै मत मागि रहनु भएको छ । पोख्रेलले आफ्नो पक्षमा मतदाताहरु रहेको र अब आफू नतिजाको ब्यग्र प्रतिक्षामा रहेको जनाउनु भयो । पोख्रेल नेतृत्वको टिमलाई जिताउन माओबादी केन्द्रका केन्द्रीय सदस्य अतहर हुसेन फारुकी, वडा नं. १ का इन्चार्ज टंक धामी लगायत नेताहरु सक्रिया भएर लाग्नु भएको छ । 
नेपालगन्ज-१ मा माओवादी केन्द्रको प्रचारप्रसार अभियान तिब्र
गुडन्यूज खबर
।
२०७९ बैशाख २३, शुक्रबार ०९:०३
