बाँके । मंगलबार बाँके जिल्लामा संचालनमा रहेका ३ वटा पीसीआर ल्याबबाट ७४ जनामा कोरोना पुष्टि भएको छ ।
जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेका अनुसार आज संक्रमित हुनेमा २६ जना महिला र ४८ जना पुरुष रहेका छन् । योसँगै बाँके जिल्लामा जम्मा कोरोना संक्रमित संख्या दुई हजार ८०३ जना पुगेको छ ।
यस्तै आज ६६ जना निको भई डिस्चार्ज भएसँगै निको हुनेको संख्या दुई हजार १७५ जना पुगेको छ ।
डीसीसीएमसी बाँकेका अनुसार जिल्ला भित्रका २९ जना र जिल्लाा बाहिरका यस जिल्लामा १४ जना गरि ४३ जनको मृत्यु भएको छ ।
हालसम्म बाँकेमा ५९९ जना संक्रिय कोरोना संक्रमित उपचाररत छन् ।
