संवाददाता, नेपालगंज।
बाँकेको नरैनापुर गाउँपालिका वडा नम्बर ४ (साविक ३ नम्बर) वडा की २५ बर्षिया फुलजहाँ बेगम उपचार नपाई घरमा थला पर्नुभएको छ ।
चिकित्सकहरुले उहाँलाई पाठेघरको क्यान्सर भएको भन्दै छिटो अप्रेशन (शल्यक्रिया) गर्नुपर्ने बताएका छन ।
फुलजहाँको घाँटीमा पनि समस्या छ । मुस्लिम गरिब परिवार भएकाले अप्रेशन गर्न नसकी बाध्यताले घरमै राख्नुपरेको फुलजहाँकी सासु आमा हस्मा पठानिनले बताउनुभयो ।
४ कठ्ठा जग्गा लिजमा दिएर औषधी, चेकजाँच गर्नमै २ लाख २० हजार भन्दा बढी रकम खर्च भइसकेको ससुरा बुवा ५३ बर्षिय इद्रिस खाँले बताउनुभयो । फुलजहाँका श्रीमान भारतको मुम्बइ जानुभएको छ । तर कुनै सम्र्पक छैन ।
कोभिड–१९ को माहामारीका बेला फुलजहाँ बिरामी भइ थला परेपछि ३ महिनाकी छोरी सहित अरु उस्तै उमेरका २ छोरीको पनि राम्ररी रेखदेख हुन सकेको छैन । १४ जनाको परिवार खर (फुस) को घरमा रह्दै आएको छ ।
समान्य खेतबालीको काम गरी जिविकोपार्जन गर्दै आएको यो मुस्लिम परिवार अहिले आर्थिक संकटमा परेको छ । यि कलिला ३ वटा छोरीको लागी भएपनि फुलजहाँ बेगमको छिटो उपचार हुन जरुरी छ ।
आर्थिक संकट परेका बेला सक्दो सहयोग गरी फुलजहाँको जीवन बचाईदिन परिवारले सबैमा अपिल गरेको छ । सहयोगी मन हृदय भएकाले ब्यक्तित्वहरुले ९८६४८१४७७०, ९८०४५८९८४३ मा सम्र्पक गरी आर्थिक सहायता प्रदान गर्न सकिनेछ ।
