काठमाडौं । मन्त्रालयका प्रवक्ता डा. जागेश्वर गौतमले अस्पताल र प्रयोगशालाहरूले बढी शुल्क लिएको गुनासो आएकाले सम्बन्धित निकायलाई अनुगमन गरी कारबाही गर्न निर्देशन दिएको जानकारी गराउनु भएको हो । पिसिआर परीक्षणको अनुमति र अनुगमन गर्ने जिम्मा भनेको राष्ट्रिय जनस्वास्थ्य प्रयोगशाला हो ।
अहिले देशभर ४९ वटा प्रयोगशालाहरूले पिसिआर परीक्षण गर्दै आएका छन् । तीमध्ये केही प्रयोगशालाहरूले सरकारले तोकेभन्दा बढी शुल्क लिइएको पाइएपछि मन्त्रालयले ती प्रयोगशालाहरूको अनुगमन गरी कारबाही गर्न निर्देशन दिएको हो ।
मन्त्रालयले सबै प्रयोगशालाहरूलाई पिसिआर परीक्षण गरेबापत अधिकतम दुई हजार रुपैयाँ लिन पाउने भनेको छ ।
