सबिता चन्द
डुडुवा । बाँके क्षेत्र नं. २ प्रतिनिधि सभा सदस्य पदका उम्मेदवार दिपेन्द्र बिष्ट डुडुवा-५ छेग्रहवाका स्थानीय सर्वसाधारणसँग प्रत्यक्ष भेटघाटमा व्यस्त देखिनुभयो। घरदैलो, टोल–टोल भेटघाट र भलाकुसारीका क्रममा बिष्टले मतदातासँग आफ्नो चुनावी एजेन्डा साझा गर्नुभयो र क्षेत्रीय विकास, आधारभूत पूर्वाधार, युवा रोजगारी तथा सामाजिक न्यायका विषयमा आफ्नो प्रतिबद्धता व्यक्त गर्नुभयो।
स्थानीय जनताले उहाँलाई उत्साहपूर्वक स्वागत गर्दै तारा चुनाव चिन्हमा मतदान गर्ने प्रतिबद्धता व्यक्त गरे। स्थानीय निम बहादुर बिकका अनुसार, “बिष्टले हाम्रा समस्या सुन्ने मात्र होइन, समाधानमा पनि केन्द्रित छन्। यसै कारण उहाँको पक्षमा हाम्रो समर्थन पूर्ण छ।”
उम्मेदवार बिष्टले भेटघाटका क्रममा बाढी समस्या, सुकुम्बासी समस्या र सडक–पानी व्यवस्थापन जस्ता स्थानीय मुद्दालाई प्राथमिकतामा राख्ने वचन दिनुभयो। उहाँले भन्नुभयो, “मैले यहाँका हरेक नागरिकको कुरा ध्यानपूर्वक सुनेँ र तपाईंहरूको सुझाव अनुसार काम गर्नेछु। विकास मात्र होइन, जनताको जीवनस्तर सुधार मेरा मुख्य लक्ष्य हुन्।”
प्रत्यक्षदर्शी पत्रकार प्रमिला विश्वकर्माका अनुसार, डुडुवा-५ मा बिष्टको भेटघाट कार्यक्रमले क्षेत्रीय माहोल पूर्णतया तारामय बनाएको छ। घरघरमा पुग्दा जनताले उहाँलाई फूलमाला र सम्मानका साथ स्वागत गरेका छन्। युवा, वृद्ध, महिला र सर्वसाधारण सबैले बिष्टको कार्यशैली र निष्ठाप्रति विश्वास व्यक्त गरेका छन्।
विश्लेषकहरूका अनुसार, बिष्टको यो सक्रिय घरदैलो अभियानले मतदातामा सकारात्मक प्रभाव पार्दै क्षेत्रको चुनावी दृष्यमा उहाँको अग्रता सुनिश्चित गर्ने संकेत देखिएको छ। डुडुवा-५ को माहोलबाट स्पष्ट छ—स्थानीय जनताको विश्वास र साथले दिपेन्द्र बिष्टको चुनावी अभियानलाई थप बल प्रदान गरेको छ।
