नेपालगंज ।
बाँकेमा कोरोना संक्रमितहरुको संख्या १ हजार ६ सय ५१ जना पुगेको छ ।
आज मात्रै पनि भेरी अस्पताल नेपालगंजको पीसीआर प्रयोगशालामा ४३ जना, नेपालगंज मेडिकल कलेज शिक्षण अस्पताल कोहलपुरको पीसीआर प्रयोगशालामा ८ जना र वागेश्वरी पीसीआर ल्यावमा १ जनालाई कोरोनाको संक्रमण पाईएको छ ।
संक्रमित मध्ये १ हजार २ सय ५० जना ब्यक्तिहरु निको भएका छन । हाल सम्म बाँकेमा ११ जना ब्यक्तिहरुको मात्र मृत्युभएको जिल्ला कोभिड–१९ संकट ब्यवस्थापन केन्द्र (डीसीसीएमसी) बाँकेले जनाएको छ ।
बाँकेमा मृत्युदुर ०.६७ प्रतिशत, बिरामी निको हुने दर ७५.७१ प्रतिशत रहेको छ ।
यसैगरी रोगको प्रकोप दर ०.२७ प्रतिशत रहेको छ । स्वास्थ्य कार्यालय बाँकेका कोरोना फोकल पर्सन नरेश बाबु श्रेष्ठका अनुसार बाँकेका ८ स्थानिय तह मध्ये नेपालगंज उपमहानगरपालिकामा कोरोना संक्रमितको संख्या बढी देखिएको छ ।
जहाँ ७ सय ७२ जना संक्रमित छन । त्यसपछि कोहलपुर नगरपालिकाका, नरैनापुर र खजुरामा रहेका छन ।
