काठमाडौं । नवनियुक्त शिक्षामन्त्री रघुजी पन्तको आज पद तथा गोपनीयताको शपथ ग्रहण हुने भएको छ ।
उहाँलाई आज अपराह्न चार बजे राष्ट्रपति रामचन्द्र पौडेलले शीतल निवासमा शपथ ग्रहण गराउने कार्यक्रम छ ।
एमाले सांसद विद्या भट्टराईले मन्त्री पदबाट राजीनामा दिएपछि प्रधानमन्त्री केपी शर्मा ओलीको सिफारिसमा राष्ट्रपति पौडेलले एमालेकै पन्तलाई शिक्षामन्त्री पदमा नियुक्त गर्नु भएको हो ।
