नेपालगन्ज । इन्डियन प्रिमियर लिग (आईपीएल) क्रकेटमा नेपाली क्रिकेटर सन्दीप लामिछाने सम्मिलित दिल्ली क्यापिटल्सले विजयी सुरुअवात गरेको छ ।
आइतबार राति भएको खेलमा दिल्लीले किंग्स इलेभेन पन्जाबलाई सुपर ओभरमा पराजित गर्दै आईपीएलमा विजयी सुरुआत गरेको हो । सुपर ओभरमा पन्जाबले दिएको तीन रनको लक्ष्य दिल्लीले मात्र दुई बल खेल्दै पूरा गरेको थियो ।
दिल्लीले दिएको १५८ रनको लक्ष्य पछ्याएको पन्जाबले २० ओभरमा आठ विकेट गुमाउँदै १५७ रन मात्र बनाउन सक्दा खेल सुपर ओभरमा पुगेको थियो ।
टस हारेर पहिले ब्याटिङको निम्तो पाएको दिल्लीले निर्धारित २० ओभरमा आठ विकेट गुमाउँदै १५७ रन जोडेको थियो ।
खराव सुरुआत गरेको दिल्लीले चार ओभरमा मात्र १३ रन हुँदा तीन विकेट गुमाएको थियो ।
यस जितसँगै दिल्लीले आईपीएलमा सुखद सुरुआत रगेको छ ।
