बाँके । बाँके जिल्लामा शुक्रबार थप ६० जना कोरोना भाइरस संक्रमितहरु संक्रमणमुक्त भएर घर फर्किंदै छन् ।
शुक्रबार संक्रमणमुक्त भइ घर फर्किनेमा १९ जना महिला र ४१ जना पुरुष रहेका छन् ।
यहाँ बिरामीको निको हुने दर ७७.१० प्रतिशत, विरामी मृत्यु दर ०.५८ र रोगको प्रकोप डर ०.२६ प्रतिशत रहेको जिल्ला कोभिड– १९ संकट केन्द्र (डी.सीसी.एम.सी) बाँकेले जनाएको छ ।
बाँकेमा हालसम्म कोरोना संक्रमित संख्या एक हजार ५४६ पुगेको छ ।
संक्रमित मध्ये एक हजार १९२ जना निको भइ डिस्चार्ज भएका छन् भने कोरोनाबाट हालसम्म ९ जनाको मृत्यु भएको छ ।
बाँके जिल्ला र बाहिरीका संक्रमित गरि अहिले ३४८ जना आईसोलेसमा रहेका छन् ।
