सबिता चन्द
नेपालगन्ज । बाँकेको जानकी गाउँपालिका वडा नं. ५ बकसपुरमा रहेको भेरी स:मिलबाट अबैध सालको काठ नियन्त्रणमा लिइएको छ । अबैध सालको काठ चिरान भैरहेको सूचना पाएपछि सो काठ नियन्त्रणमा लिइएको हो ।
मंगलबार दिउँसो २ बजे नेपालगन्ज सबडिभिडजन वन कार्यालय र डिभिजन वन कार्यालय सब डिभिजन रक्षक शाखाको संयुक्त टोलीले अबैध सलको चिरान काठ १८ थानको ७.९८ क्यु.फि. र स: मील धनी बिष्णु कुमार बर्मालाई नियन्त्रणमा लिएको नेपालगन्ज सब डिभिजन वन कार्यालयका अधिकृत नारायण पार्धेले बताउनु भयो ।
अधिकृत पार्धेले मील धनी बर्मालाई समेत अनुसन्धानको लागि अगाडि बढाएको बताउनु भयो ।
