नेपालगन्ज । जुम्लामा बन्चरो प्रहारबाट एक महिलाको मृत्यु भएको छ । जिल्लाकाे कनकासुन्दरी गाउँपालिका–३ ओखरपाटकी अन्दाजी ३५ वर्षकी अमृता बुढाकाे बन्चरो प्रहारबाट मृत्यु भएको जिल्ला प्रहरी कार्यालय जुम्लाले जनाएकाे छ ।
जिल्ला प्रहरी कार्यालय जुम्लाका प्रहरी निरीक्षक उमेश चन्दका अनुसार सोही वडाका श्यामबहादुर बुढाले बन्चरो प्रहार गर्दा उनको मृत्यु भएको हो । प्रहरीका अनुसार बन्चरो प्रहार गर्ने बुढा मृतक अमृताका देवर नाता पर्दछन् ।
शुक्रबार दिउँसो १२ बजेतिर उक्त घटना भएको प्रहरीले जनाएको छ । बन्चरो प्रहार गर्ने बुढालाई नियन्त्रणमा लिइएको र घटना बारे थप अनुसन्धान भैरहेको प्रहरीले जनाएको छ।
