नेपालगन्ज । देखी भूकम्प प्रभावित जिल्ला जाजरकोटको खलंगा बजारमा शुरु गरिएको निशुल्क भोजन सेवामा खाना खान जानेहरुको सङ्ख्या बढ्दै गएको छ ।
समानुभूति नेपाल नामक एक सामाजिक संस्थाले शुरु गरेको निशुल्क भोजन सेवामा खाजा र खाना तयार गर्न केही स्थानीयले पनि स्वयंसेवकको रुपमा साथ दिईरहेका छन ।
समानुभूति नेपालका अध्यक्ष तुल्सि श्रेष्ठले खाना खान आउने सर्वसाधारणको भीड देखेर आगामी मंसिरको पहिलो साता सम्म निशुल्क भोजन सेवा दिने योजना आफुहरुले बनाएको जानकारी दिनुभयो ।
उहाँका अनुसार रुकुमपश्चिम सहित जिल्लाका अन्य ठाउँमा पनि निशुल्क भोजन सेवाको शुरुवात गरिदिन माग भई आएको तर आफुहरुले यसबारेमा अहिले नै निर्णय गरी नसकेको बताउनुभयो । आफुहरुको स्वइच्छाले सेवा शुरु गरेपनि अहिले सबैतिरबाट सहयोग समर्थन आईरहेको अध्यक्ष श्रेष्ठले बताउनुभयो ।
