नेपालगन्ज । इजरायली सेना (आईडीएफ) ले उत्तरी गाजाबाट करिब ५ लाख मानिसले सहर छाडेको जनाएको छ । आईडीएफका प्रवक्ता लेफ्टिनेन्ट कर्नल जोनाथन कोनरिकसले उत्तरी गाजाबाट करिब पाँच लाख मानिसलेसहर छाडेको र हमासले उत्तरी क्षेत्र छोड्न चाहनेहरूका लागि कठिनाइ सिर्जना गरिरहेको दाबी गर्नुभएको हो ।
आईडीएफले नागरिकहरूका लागि दुईवटा सुरक्षित निकासी मार्गहरू सिर्जना गरेको र सैन्य अपरेशन अगाडि बढ्दै जाँदा गाजा शहरमा नागरिकहरू बस्न असुरक्षित हुने उउहाँको भनाई छ। यद्यपि इजरायली सेनाले सुरक्षित उद्धारको घोषणा गरेको बाटोमा शुक्रबार भएको बम विस्फोटमा ७० जनाको मृत्यु भएको थियो ।
कोनरिकसलाई सो विस्फोटको बारेमा सोध्दा , उहाँले आईडीएफले सक्रिय रूपमा नागरिकहरूलाई लक्षित नगर्ने बताउनुभयो । तर, प्रेस ब्रिफिङका क्रममा उहाँले कारबाहीमा सर्वसाधारणको हताहत पूर्ण रूपमा रोक्न नसकिने संकेत पनि गर्नुभएको थियो ।
