नेपालगन्ज । नेपाल समाजवादी पार्टीसँग एकीकरणको विषयमा माओवादी केन्द्रले पठाएको पत्रलाई लिएर समाजवादी पार्टीमा भैरहेको विवाद जारी नै रहेको छ ।
समाजवादी पार्टीका अध्यक्ष डा.बाबुराम भट्टराईले आफूले पत्र नै नपाएको भन्दै एकीकरणका लागि इच्छुक देखिनुभएको छैन । माओवादीले समाजवादी पार्टीका अर्का अध्यक्ष महिन्द्रराय यादवलाई पत्र पठाएको विषयलाई लिएर भट्टराईले चित्त दुखाउनु भएको छ । तर पार्टीका अध्यक्ष प्रचण्ड र महासचिव देव गुरुङको हस्ताक्षरसहितको पत्र महिन्द्रराय यादवलाई मात्र नभएर अध्यक्ष भट्टराईलाई पनि पठाएको माओवादीले जनाएको छ ।
तर पार्टीको बैठकमा भट्टराईले आफूलाई पत्र नआएको बताउँदै आउनुभएको छ । माओवादी केन्द्रका महासचिव देव गुरुङले आफूले समाजवादी पार्टीका दुवै जना अध्यक्षलाई पत्र पठाएको बताउनु भएको थियो । उहाँले भन्नुभयो, ‘हामीले नेसपाका दुवै जना अध्यक्षलाई मेलमार्फत पत्र पठाएको हो, त्यसमध्ये महिन्द्रराय यादवले रेसपोन्स पनि गर्नुभएको छ तर बाबुरामजीको हालसम्म कुनै रेसपोन्स आएको छैन ।
